Дауыл Африканың оңтүстігіндегі мегаполисті көбікке толтырды
Африканың оңтүстік жағалауында дауыл болды, алайда құлаған ағаштар мен үзілген сымдардың орнына ерекше құбылыс орын алды. ОАР-дағы екінші ірі қала Кейптаунның жағасы мұхит көбігінен көрінбей қалды.
Жергілікті тұрғындар әлеуметтік желілерде ауқымды «көбік кешінде» түскен фотосуреттері мен роликтерді жариялап, бөлісуде. Олардың көпшілігі қатты жел тұрып, күннің салқындағанын айтуда. Метеорологиялық сервистердің мәліметтері бойынша, бүгін Африканың оңтүстік мегаполисінде термометр көрсеткіші тек 13 градус жылылықты көрсетіп тұр.
Суық ауа мен жел адамдарға кедергі болмауда, олардың көпшілігі ауа райының ерекше құбылысын түсіріп, жай ғана көңіл көтеру үшін мұхит жағалауына келді. Бұндай сапар машиналарға қиынға соғуда, себебі «теңіз қары» оның әйнектерін толық жауып тастауда.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе