Даудан кейін Астана әуежайындағы автотұрақ бағасы арзандады
Елордадағы “Нұрсұлтан Назарбаев” әуежайындағы автотұрақ бағасы арзандады.
Бұл туралы “Астана LRT” баспасөз қызметі хабарлайды.
“Халықаралық әуежайдағы қысқа мерзімді P-1 тұрағының тарифтеріне талдау жүргізе отырып, компания басшылығы мен әуежайдағылардың тарифті өзгертіп, бағаны төмендету туралы шешім қабылдағандарын хабарлағымыз келеді”, – делінген компанияның Facebook желісіндегі парақшасында.
Еске сала кетейік, осыған дейін Астана әуежайында автотұраққа бір тәулікке қойылған көлік үшін 57 мың теңгенің төленгені жайлы айтылған болатын. Паркоматқа қаражат төлеу сәті түсірілген видеоны Instagram желісіне белгілі әнші Қайрат Баекенов жариялады. Кадрларға қарағанда, мұндай қыруар қаражатты көлікті бір тәулік және он сағатқа қойылған көлік үшін төлеу қажет болған.
Сондай-ақ, “Астана Арланс” клубының бұрынғы бас директоры, қазірде Парламент Мәжілісінің депутаты Серік Сәпиев Instagram желісінде Астана әкімі Әсет Исекешевке әуежайдағы автотұрақ құнының шектен тыс қымбат екенін айтып, шағымданған болатын.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз