Дәрігерлер Шымкентте полиция қызметкерінің қайтыс болуына қатысты пікір білдірді
Шымкенттің денсаулық сақтау басқармасындағылар жекеменшік медициналық орталықта полицейдің қайтыс болуына қатысты пікір білдірді, – деп хабарлайды Tengrinews.kz.
Басқармадағылардың айтуынша, 25 қыркүйек сағат 15.52-де Шымкенттің жедел жәрдем станциясына жекеменшік медициналық орталықтан хабар түсті.
“Шақырту 1988 жылғы ер адам үшін жасалды. Себебі – есінен тану. Сағат 15.53-те шақырту бригадаға жеткізілді. Сағат 16.03-те жедел жәрдем медорталыққа жетті. Өкінішке қарай, жедел жәрдем жеткенде ер адамның көз жұмғаны анықталды. Медорталық қызметкерлерінің айтуынша, “Офло” препаратын салғаннан кейін ол есінен танған”, – деді баспасөз қызметіндегілер.
Шымкенттің денсаулық сақтау басқармасы бұл дерекке қатысты тексеру жүргізу туралы ҚДСД-ға хат жолдады.
https://kaz.365info.kz/symdykh-aj-shymkentte-zhekemenshik-klinikaga-kharaluga-bargan-politsiya-khyzmetkeri-khajtys-boldy-333595
Еске сала кетейік, бұған дейін Шымкентте жекеменшік клиникада полицейдің қайтыс болғаны хабарланған еді. Шымкент ІІД мәліметінше, бұл дерек бойынша ҚР Қылмыстық кодексінің 317-бабымен (“Медицина немесе фармацевтика жұмыскерiнiң кәсiптік мiндеттерiн тиiсiнше орындамауы”) сотқа дейінгі тергеу жүріп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе