Нұр-Сұлтан
Қазір
2
Ертең
-6
USD
431
0.00
EUR
516
0.00
RUB
5.68
0.00

“Абайлаңыздар!”. Дәрігерлер кененің шыққанын ескертті

Қазақстанның бас санитарлық дәрігері Жандарбек Бекшиннің мәлімдеуінше, 2016 жылы кене шаққан 11 356 адам медициналық көмекке жүгінген, оның 10443-і (92%) иммуноглобулинмен профилактикалық ем қабылдаған.

Қазақстанда кене энцефалиті бойынша эндемиялық үш өңір бар, олар – Алматы облысы, Шығыс Қазақстан облысы, Алматы қаласы және оның маңайы.

Соңғы жылдары Ақмола облысында да кене шағу оқиғалары тіркеле бастады. Осыған байланысты, кәсіби себептермен кененің табиғи ошақтарында болуға мәжбүр тұлғалар (орманшылар, аңшылар және өзге де орман-аңшылық шаруашылығының жұмысшылары) кене энцефалитіне қарсы профилактикалық иммунизациядан өтуде. Сонымен бірге, көктемде және күзде эндемиялық аумақтарда балалар мен үлкендерді сауықтыру орындарында, кененің табиғи ошағында болуға мәжбүр мамандардың жұмыс орнында, демалыс және туризм базаларының аумақтарында, бау-бақша кооперативтерінде, орман алаптарының аумағында, тұрмыстық-шаруашылық мақсатта елді мекен тұрғындары жиі баратын орындарда кенеге қарсы дәрі себу жұмыстары жүргізіледі.

Серіктестер жаңалықтары
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз