Дәрігер Комаровский: егер бала шошқа Пеппа сияқты сөйлесе — оған ата-анасы кінәлі!

Комаровский теріс әсердің болуын жоққа шығармайды. Және мұны тек ресейлік медицина мойындап отырған жоқ. Бұл туралы АҚШ және Канада педиатрия қоғамымен академиялар бірнеше жыл бұрын айтқан болатын. Kaiser Foundation 2010, Active Healthy kids Canada 2012 зерттеулерін оқысаңыз болады. Дегенмен, монитор сәулелесінен бұрын, ресейлік мамандарды басқа мәселелер алаңдатады.

– Бізде бәрін ақ немесе қара — екі түске ғана бояйтын біртүрлі әдет бар. Ғылым мен техниканың кез келген озық жетістіктері зиянды болуы мүмкін. Нақтылап айтқанда, дұрыс қолданбаған жағдайда зиянды болуы мүмкін.

Егер біз бала мен гаджет арасында қандай да бір тосқауыл қойсақ, тыйым салынған жеміс одан әрі тәтті болып көрінеді

– 21 ғасырда гаджеттер саны көбеймесе, азаймайтынын түсінуіміз керек. Тек бірқатар аспектілерге назар аудару қажет. Бұл құрылғының сапасы. Баланың құрылғымен өткізетін уақыты.

Ең бастысы, планшетті алып қойғаннан кейін бала әрі қарай не істейтінінде

Егер гаджетті алып қойғаннан кейін теледидарды қоссаңыз, бұл мәселені шешпейді.

Пеппаның дауысымен

Бірақ дәрігер Комаровскийді электронды кітаптардың зиянынан бұрын, балаға ата-анасының назар аудармауы алаңдатады.

– Баласы өз бетімен электронды кітап қарап отырғанына әке-шешесі қуанады.

Мен үшін кез келген әуежай — бұл шошқа Пеппа

Балалар маған қабылдауға келгенде шошқа Пеппаның дауысымен сөйлей бастайды. Неліктен? Иә, себебі ұшаққа отырғызғанға дейін ата-анасы сол мультфильмді қосып қойған. Әке-шешесі баланың аяққа оралып, немесе жоғалып кетуін қаламады.

Мен өмірде шошқа Пеппа дегеннің барын білген емеспін, енді оның барлық интонациясын білемін! Кім кінәлі? Смартфондар? Сіз баланың қолындағы гаджеттен қандай пайда көретініңізді жақсы түсінесіз және бұл сізге ұнайды. Кез-келген ана біледі, ол дәретханаға кетсе бала жылай бастайды. Не істеу керек? Дұрыс, оған планшет беріп, горшокқа кетеді. Әкесімен сөйлескенде бала кедергі жасамай тыныш отыра тұру үшін не істеу керек? Смартфон беру керек. Бір жерге бірге барғанда бала аяққа оратылып жүрмеу үшін не керек? Планшет керек.

Ал осыдан кейін

балалармен қарым-қатынас жасай алмауымызға гаджеттерді кінәлаймыз,

– дейді Евгений Комаровский.

Үш ереже

Өмір заңдылығы. Дәрігер Комаровский электронды құрылғылармен өткізілетін уақыт күн сайын ұлғаятынына сенімді. Тек оны қатаң реттеуге үйрету керек.

Мысалы, адам монитор алдында өткізген әрбір 20 минут сайын, 20 метр қашықтықтағы затқа 20 секунд қарауы керек. Мектепте бұл жағдайды сынып бойынша кезекші қадағалай алады.

Айтпақшы, маман гаджет көрудің нашарлауына аса әсер етпейтінін айтты.

– Монитор алдында бір кездері ілініп тұрған қорғаныс экрандары естеріңізде ме? Біз мұны да бастан өткердік және ғылым мен техниканың жаңа буынына қадам басты. Көру сапасына тұқым қуалаушылық, генетика, сондай-ақ

күндізгі жарықтың қолжетімділігі

де әсер етеді.

Баланың көруі қалыпты дамуы үшін, ол көшеде көп серуендеп, күн сәулесімен тікелей байланыста болу керек. Сіздер, қазақстандықтар, полярлық шеңбердің артында тұрмайсыздар, күн жақсы түседі. Баламен таза ауада көп уақыт өткізіңіз. Және есте сақтаңыз:

бірде-бір смартфон әдемі Ботаникалық баққа

немесе жай ғана саябаққа бәсекелес бола алмайды.

Не істеу керек?

Дәрігер Комаровский еуропалық елдерді мысалға келтірді. Техникалық тұрғыда олар Қазақстаннан бірнеше есе озық. Сондықтан тек шетелдік ата-аналар ғана емес, сонымен қатар педагогтар ақылды құрылғыларды дұрыс қолдануға үгіттейтін амалдар жасап жатыр.

– Мысалы, балаларды зоологиялық балабақшаға экскурсияға апарады. Және сол жерде мексикалық тышқанды көріп қалды делік. Мұғалім балаларға оны басқа елдердің баламасымен салыстыруды ұсынады. Мұны сілтеме бойынша интерактивті оқулықта жасауға болады. Айтпақшы, әр түрлі мәліметтер алу үшін балаға қап-қап кітап арқалап жүрудің қажеті жоқ.

Сөмкенің ауырлығы мәселесін шешу үшін оқулықтардың екі жиынтығын пайдалануды ұсынамын — мектепте бөлек, үйде бөлек

Немесе, мысалы, мұражайлар алайық. Егер сіз Еуропа мұражайларында болсаңыз, мектеп оқушыларының топ болып жүретініне назар аударған шығарсыз. Жаппай экскурсиялар! Балаларға планшеттің де қажеті жоқ болып қалады.

Мемлекет балалардың уақытты қызықты өткізуіне жағдай жасап қойған