Дариға Назарбаева зейнет жасына кеп қалғанын айтты

Алматыда өтіп жатқан Еуразиялық медиафорумның ашылу салтанатында сөз сөйлеген Дариға Назарбаева зейнет жасына жақындап қалғанын мәлімдеді.

Медиафорумның Рамазан айында өтіп жатқанына баса назар аударған Назарбаева бұл күндері қайырымдылыққа ерекше мән беру керектігін алға тартты.

«16 жыл бұрын Алматыда алғашқы медиафорумды аштық… Содан бері біздің елімізде, әлемде қанша нәрсе өзгерді.

Сол кезде дүниеге келген балалар бүгін жоғары сыныптарда оқып жатыр. Сол кезде 50 жылдық мерейтойын тойлағандар бүгінде зейнеткерлер.

Мен де зейнет жасына жақындап қалдым», деді Дариға Назарбаева.

Сенат депутаты ақпарат ғасырында дүниеге келген бүгінгі балалардың артықшылықтарын тізбектеп, олардың кез келген жаңа ақпараттық құрылғыларды тез меңгеріп жатқанына таңданысын білдірді.