Қазастандық шекарашылар Каспийде браконьерлік жолмен балық аулауға келген төрт Ресей азаматын құрықтады, деп хабарлайды Казакстан Республикасы Ұлттық қауіпсіздік комитеті Шекара қызметінің баспасөз қызметі.
Бүгін (2018 жылғы 1 тамыз, 2 с. 50 мин.) теңіз шекарашылары Каспий теңізін шолып жүріп, 44˚25′ солтүстік ендік пен 50˚00′ шығыс бойлығының аумағында қос «Ямаха» моторлы «Байда» типтес жылдам жүзетін шағын жүзу құралын кезіктірді.
Қайықта отырған 4 адамның барлығы да Ресей азаматтары екен. Екеуі 52 жаста, біреуі 36 жаста, ал біреуі небәрі 20 жаста. Қайықтан 200 литр ауыз су, қосымша баллонымен газ плита, азық-түлік пен қосалқы бөлшектер табылғанына қарағанда, бұлар теңізде ұзағырақ жүреміз деп, үміттенген болуы керек.
Қазіргі таңда тергеу амалдары жүргізілуде.