Дабыл! Астананы су басуы мүмкін

Министр баяндағандай, Астана су қоймасындағы судың күрт көтерілуіне байланысты, Ақмола облысының Аршалы ауданындағы бір елді-мекенді су басқан.

“Елорданы, қала маңындағы елді-мекендерді су басуына жол бермеу мақсатында Астана су қоймасына тасқын су құйылмауы үшін шаралар қолға алынды. 132 млн текше метр суды қайтарып алдық. Оның шекті нормасы – 450.

Астана су қоймасынан судың көтерілуі сақталса, контрреттегіш 3 тәулік ішінде толып қалып, оның бұзылу қаупі туындайды”,

— деді Қасымов үкімет отырысында.

Осыған орай, министрдің айтуынша, Астана және төменде орналасқан Ақмола облысының елді-мекендері арқылы судың қауіпсіз өтуін қамтамасыз ету қажет.

“Бұл мәселені кешеден бері Ауыл шаруашылығы министрлігі және Астана әкімімен қарастырып жатырмыз”, — деді министр.