CNN Дональд Трамп пен оның әкімшілігін сотқа берді
CNN телеканал журналисі Джим Акостаны Ақ үйге аккредитациядан айырғаны үшін, Дональд Трамп пен оның әкімшілігін сотқа берді.
Джим Акоста Конгресске аралық сайлау қорытындысы бойынша өткен баспасөз мәслихаты кезінде “Трамп неліктен сайлауалды сөзінде мигранттарды “жаулап алушылар” деп атағанын сұраған.
CNN журналисі сонымен бірге Ресеймен байланысы бар деген іс бойынша президент қорықпайды ма деген сұрақ қойған.
Трамп Акоста сұрақтарына жауап беруден бас тартып, оны “дөрекі әрі жиіркенішті адам” деп атады. Осыдан кейін CNN тілшісіне Ақ үйге кіруіне тыйым салынды. Ақ үй баспасөз хатшысы Сара Сандерс журналисті ерсі қылықтары үшін айыптады. Оның айтуынша, Акоста микрофонды алмақ болып, тәжірибеден өтуші қыздың қолын әдейі ұстаған.
CNN Акостаға аккредитацины қайта беруін талап етеді.
Телеканал сотқа түсіріп отырған шағым тек ғана тілшіге байланысты емес екенін айтып, бұл сайланған шенеуніктер жайында сұрақ қойған әрбір журналистің басына түсуі мүмкін деп ескертеді.
2017 жылдың басында президент қызметіне кірісер алдындағы баспасөз мәслихаты кезінде Трамп CNN тілшісінің сұрақтарына жауап беруден бас тартып, “жалған жаңалықтар таратады” деп мәлімдеген. CNN басшылығы сол кезде президент әрекетін айыптап, журналисіне қолдау көрсеткен.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе