“Чемпиондар шықсын!”. Кәсіпкер туған ауылына 300 мың долларға сыйлық жасады

Ғимарат құрылысына 322 мың доллардан астам қаражат кеткен.

Sports.kz порталы жазғандай, кешен әлі қолданысқа берілмеген.

Бірақ биыл күзде қыркүйек айында ашылу салтанаты өтуі тиіс. Бизнесменнің осындай тамаша сыйлығы арқасында екі жүздей бала мен ересек адам футбол, бокс, волейбол және күрес секцияларына қатыса алады.

Облыс чемпионы, боксшы Талғат Құланбайдың айтуынша, бұрын ауыл тұрғындары мектептің шағын спортзалында шынығуға мәжбүр болатын.

Ол жаңа спорт кешенінде бұрынғыдан да қарқынды жаттығып, болашақта олимпиада медаліне қол жеткізетініне сенімді.