БЖЗҚ экс-басшысы Руслан Ерденаевты қамауда ұстау мерзімі ұзартылды
Ерденаев пен осы іс бойынша тағы төрт күдіктіге бөтеннің сеніп тапсырған мүлкін иеленіп, ысырап етті, деген айып тағылып отыр.
Бірыңғай жинақтаушы зейнетақы қорының (БЖЗҚ) басқармасының бұрынғы төрағасы Руслан Ерденаевты қамауға алу мерзімі мамырдың соңына дейін ұзартылды, – деп хабарлады Sputnik Қазақстанға Алматы қалалық сотынан.
Алматы қалалық сотының қаулысымен күдікті тұлғалар – “БЖЗҚ” АҚ басқарма төрағасы Руслан Ерденаев, қаржы қатерлері басқармасының басшысы Мұса Бахытов, “АлатауМұнайАлтын” АҚ бақылау кеңесінің төрағасы Бақытжан Кенжебаев, Бузгул Аурум” ЖШС директоры Азат Найзағаринге қатысты қамауға алу түріндегі бұлтартпау шарасы бес айға дейін, яғни, 2017 жылғы 28-мамырға дейін ұзартылды”, — деп хабарлады сотта.
Қаржы қатерлері басқармасының басшысы Мұса Бахытов бастапқыда күмәнді мәміледен бас тартуды ұсынған, алайда уақыт өте ол мұндай инвестициялауды қауіпті деп санауды қойған.
Нәтижесінде, БЖЗҚ Бузгул Аурум” ЖШС директоры Азат Найзағариннің жасанды құжаттар ұсынғанына қарамастан, 5 миллиард теңгеге бағалы қағаздар сатып алған.
ҰҚК болжамы бойынша, қаражат “Бузгул Аурум” ЖШС құрылтайшысы Бақытжан Кенжебаевтың қалтасына түскен.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе