БҰҰ-ның Гуманитарлық мәселелер жөніндегі Бас хатшысының орынбасары Марк Лоукок Төтенше жағдайларға әрекет ету орталық қорынан (ЦФРЧС/CERF) Мьянма босқындарына көмек ретінде 7 миллион доллар бөлінгенін мәлімдеді.
Бұл туралы шетелдік ақпарат көзіне сілтеме жасап, РИА Новости хабарлады.
“CERF – Жер бетіндегі қиналған адамдарға шұғыл көмек көрсетудің түрі. Қор босқындарды баспанамен, азық-түлікпен қаматасыз етіп, ауыр халдегі адамдарға медициналық көмек көрсетеді. Баршаңызды Мьянмадан босқан халықтың қауіпсіздігін сақтауды және гуманитарлық көмектің кедергісіз өтуін қамтамасыз етуге шақырамын!”, – деді Лоукок.