БҰҰ миссиясы: қазақстандық бітімгерлер сапында жауынгер қыздар да болады
БҰҰ миссиясында қазақстандық бітімгерлер құрамында жауынгер қыздар да болады. Бұл туралы Қорғаныс министрінің орынбасары Талғат Мұхтаров мәлім етті.
«Бітімгерлер арасында әйелдер құрамына тоқталсақ, бұл БҰҰ реформаларының бірі болып отыр.
Осы орайда БҰҰ талабы мен мақсаттары арасында байқаушы әйелдер санын арттыру ескерілген және осы курс қазіргі кезде орындалуда.
Біз де бұл бағытта өтінім білдіріп, біздің екі жауынгер қызымыз дайындықтан өтті. Сондықтан да олар миссияға баруға дайын», – деді Талғат Мұхтаров.
«Жылына бітімгерлік ротаға жұмсалатын қаржы 340 млн теңгеге жуық соманы құрайды. Осы қаржы көлеміне еңбекақыны төлеу мен логистика еніп отыр», – деді министрдің орынбасары.
Айта кетелік, бұдан бұрын хабарланғандай, биылғы 15 маусымда Парламент Президенттің 40 офицерді БҰҰ миссиясына жіберу туралы ұсынысын қолдады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе