БҰҰ қыз алып қашуға тыйым салуды ұсынды
БҰҰ-ның Қырғызстандағы өкілдігі милиция бөлімшесінде қыз алып қашудың соңы қайғылы оқиғаға ұласқан жағдайға алаңдаушылық білдірді, деп хабарлайды Baq.kz.
БҰҰ таратқан мәлімдемеде Қырғызстан билігін қыз алып қашуды тоқтату үшін барлық шаралар қолданып, халықаралық келісімдер мен заңдардың орындалуын талап етеді.
“Мәжбүрлі неке адам құқықтарын бұзып отыр. Бұл – қоғамның дамуына кері әсерін тигізеді. Қыз алып қашудың Қырғызстан мәдениеті мен дәстүріне еш қатысы жоқ. Бұл – тек әлсіз адамдардың құқығын таптау” – делінген мәлімдемеде.
Естеріңізде болса, 27 мамырда Шу облысы Жайыл аудандық ішкі істер бөлімшесінде 20 жастағы Бурулай Турдаалықызын алып қашқан жігіт оны пышақтап өлтірген болатын. Жігіт қызды полиция бөлімшесінде пышақтап, кейін өзін де жаралаған. Қазір күдікті жігіт аурухананың жансақтау бөлімінде жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе