“Бұл кісі кім?”. Шымкенттіктер тірі министрдің түрін көрді
Министр Тамара Дүйсенова шымкенттік көпбалалы ананың үйінде қонақта болды.
Оңтүстікке іссапармен келген еліміздің еңбек және халықты әлеуметтік қорғау министрі облыс əкімі Жансейіт Түймебаевпен бірге бес баланың анасы Айнұр Жаманқұлованың жаңа кәсібімен танысты.
Бірнеше жыл есепші болып еңбек еткен келіншек, екі бірдей науқас баласы үшін қызметін тастауға мәжбүр болыпты. Нəпақасын бала-шағасынан алыстамай-ақ табудың жолын тапқан əйел, мемлекеттік “Өрлеу” жобасының арқасында 462 мың теңге қаражат алған. Оған тігін машинасын сатып алып, жаңа кəсіпті меңгерген. Осылайша үйінде отырып, әйелдерге арналған киім тігумен айналыса бастапты.
Министр сапарын «Стандарт Цемент» ЖШС-інде жалғастырып, зауыт жұмысымен танысты. Тамара Дүйсенова 700 адам еңбек ететін кәсіпорын жұмысшыларының сауалдарына жауап берді.
Елдің басым бөлігі әсіресе зейнетақы мәселесі мазалайтынын жасырмады.
Министр бірнеше әлеуметтік нысандарды аралап, облыс шенеуніктерінің басын қосты. Онда әлеуметтік сала мәселелерін талқыланды. Дүйсенованың іс-сапары бірнеше күнге жалғаспақ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе