“Бұл – фейк ақпарат”. Бозымбаев бензин қымбаттайды деген қауесетке қатысты пікір білдірді
ҚР Энергетика министрі Қанат Бозымбаев АИ-80 бензині шілде айынан бастап қымбаттайды деген ақпаратты жоққа шығарды.
Бұл туралы Sputnik Қазақстан агенттігі хабарлады.
Осыған дейін бірқатар бұқаралық ақпарат құралдарында Энергетика министрлігі АИ-80 бензині бағасын мемлекеттік реттеудің күшін жоятын бұйрық дайындап жатыр деген ақпарат таратқан еді. Маусым айының ортасында құжат Ұлттық экономика министрлігімен келісілген соң оны Әділет министрлігінде тіркеп, 10 күннен кейін ол күшіне енеді деп хабарланды.
Осылайша, шілде айының басында Қазақстанда мемлекет бағасын реттейтін бірде-бір жанармай түрі қалмайды.
Энергетика министрі Қанат Бозымбаевтың айтуынша, АИ-80 бензинінің бағасына мемлекеттік реттеу болмайды деп айтуға әлі ерте.
“Бұл – фейк ақпарат. Біз биылғы жылдың екінші жартысында мұнай өңдеу зауыттарын модернизациялауды аяқтағаннан кейін АИ-80 бензиніне мемлекеттік реттеу болмайды деп айтқан болатынбыз. Сондықтан бұл туралы айтуға әлі ерте”, — деді Бозымбаев БАҚ өкілдеріне.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе