Бүгін Қазақстанның басым бөлігінде жаңбыр жауады
Бүгін атмосфералық фронттардың өтуіне байланысты республиканың басым бөлігінде найзағай ойнап, жауын-шашын жауады, тұман түседі, екпінді жел сақталады, деп хабарлайды Zakon.kz Қазгидрометке сілтеме жасап.
Қызылорда облысының кей жерлерінде тұман, дауыл, бұршақ жаууы мүмкін, жел 15-20, күндіз екпіні 23 м/с күшейеді.
Ақмола, Қостанай, Солтүстік Қазақстан, Қарағанды облыстарының кей жерінде тұман болып, жел 15-20 м/с күшейеді.
Оңтүстік Қазақстан, Маңғыстау облыстарында, күндіз Атырау, Батыс Қазақстан, Алматы облыстарының кей жерлерінде желдің күшеюі 15-20 м/с жетеді, Батыс Қазақстан облысының кей жерлерінде тұман, Алматы облысының кей жерлерінде күндіз бұршақ жаууы ықтимал.
Шығыс Қазақстан облысының кей жерлерінде түнде және таңертең тұман болып, күндіз жел 15-20 м/с күшейеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе