14-тамызда Қазақстанның кей жерлерінде құбылмалы ауа-райы сақталады, найзағай ойнап, қатты жел тұрады, жаңбырмен аралас бұршақ жаууы да күтіледі.
Қазгидрометтің хабарлауынша, еліміздің оңтүстігінде шаңды дауыл болады. Ал батысында, оңтүстік-батысында, оңтүстікте, оңтүстік-шығыста жауын-шашынсыз ауа-райы сақталады.
Солтүстік Қазақстан, Ақмола облыстарының кей жерінде найзағай жарқылдап, бұршақ болуы мүмкін, дауыл соғады, жел екпіні 15-20 м/с жетеді.
Павлодар, Қарағанды, Шығыс Қазақстан облыстарында күн салқындап, қатты жел үріп, түнде және таңертең тұман болады.
Қызылорда, Жамбыл, Оңтүстік Қазақстан облыстарының кей жерлерінде шаңды дауыл болады.
Алматы, Қызылорда, Оңтүстік-Қазақстанның басым бөлігінде, Жамбыл, Атырау, Батыс Қазақстан, Ақтөбе, Қарағанды, Шығыс Қазақстан, Қостанай облыстарының кей жерлерінде өте жоғары өрт қаупі сақталады.