Бүгін – қазақтың атақты боксшысы, мақтанышымыз Қанат Исламның туған күні. Отандасымыз 33 жасқа толып отыр.
Бұл туралы Baq.kz хабарлайды.
Бүгін – қазақтың атақты боксшысы, мақтанышымыз Қанат Исламның туған күні. Отандасымыз 33 жасқа толып отыр.
Бұл туралы Baq.kz хабарлайды.
WBA FedeCaribe тұжырымының чемпионы 1984 жылы 13 қыркүйекте Шыңжаңда дүниеге келді. Ол – орташа жеңіл салмақ бойынша Кариб аймағының үздігі. Әуесқой бокста жүргенде Қытай Халық Республикасының Ұлттық құрамасында Бейжің Олимпиадасы мен Чикагода өткен Әлем чемпионатының (2007) және Азия ойындарының (2006) қола жүлдесін иеленді. Қытайдың 10 дүркін чемпионы.
Қазақ боксшысы спорттық мансабында 25 жекпе-жек өткізіп, оның барлығында жеңіске жетті. Лақап аты – Qazaq.
Қанаттың атамекенге оралуына Қазақстан құрама командасының бұрынғы бас бапкері Тұрсынғали Еділов пен Алматы облысының әуесқой бокс федерациясының президенті Бауыржан Оспанов көмектесті.
Естеріңізге сала кетейік, Қанаттың соңғы жекпе-жегі 9 қыркүйекте Астанада «ЭКСПО-2017» халықаралық көрмесі аясында өтті. Бокс кешінде Қанат Ислам қарсыласы канадалық Брендон Кукті тоғызыншы раундта техникалық нокаутқа жіберіп, өзінің 25-жеңісіне қол жеткізді. Бұл жекпе-жектен соң отандасымыз бірінші орта салмақтағы WBO, NABO және WBA Inter-Continental белдіктерін қорғап қалды.