Бүгін еліміздің басым бөлігінде қатты жел тұрып, бұрқасындатады
Бүгін атмосфералық фронттардың өтуіне байланысты еліміздің басым бөлігі циклонның ықпалында қалып, кей жерлерде қар жауады, тұман түсіп, көктайғақ болады, жел күшейеді, бұрқасындатады, деп хабарлайды Қазгидромет.
Ақмола, Солтүстік Қазақстан, Павлодар, Қостанай, Шығыс Қазақстан облыстарының кей жерлерінде жел 15-20 м/с-ке күшейеді, түнде Ақмола облысында екпіні 25 м/с-ке жетеді, кей жерлерде бұрқасындатады, Қостанай облысында кей жерлерде тұман түседі.
Жамбыл, Оңтүстік Қазақстан облыстарының кей жерлерінде жел 15-20 м/с-ке күшейеді, тұман түсіп, көктайғақ болады, бұрқасындатады.
Алматы, Маңғыстау облыстарының кей жерлерінде тұман түсіп, көктайғақ болады, жел 15-20 м/с-ке күшейеді.
Қызылорда облысында кей жерлерде тұман түсіп, көктайғақ болады деп болжануда.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе