Бүгін еліміздің басым бөлігінде қалың қар жауып, күн борандатады
Сенбі күні Қазақстанның басым бөлігінде қар жауады деп күтіледі. Оңтүстіктен ойысқан антициклон ауа-райының бұзылуына әкеп соғады.
Қазгидрометтің хабарлауынша, бүгін еліміздің кей жерлеріне қалың қар түседі, жекелеген аймақтарда тұман түсіп, көктайғақ, боран болып, қатты жел тұрады.
Жамбыл облысының кей жерлерінде тұман түсіп, көктайғақ болады. Боран тұрып, жел секундына 15-20 метрге дейін күшейеді. Жел екпіні секундына 23-28 метр болады, облыстың оңтүстік батысында жел секундына 30 метрге дейін жетеді.
Қостанай облысында желдің екпіні секундына 15-20 метрге жетеді. Кей жерлерде боран, көктайғақ болады.
Қызылорда, Ақтөбе, Оңтүстік Қазақстан облыстарының кей жерлерінде тұман түсіп, көктайғақ болады. Күндіз желдің күші секундына 15-20 метрге жетеді.
Алматы облысының кей жерлерінде тұман түсіп, күндіз желдің жылдамдығы секундына 15-20 метр болады. Павлодар облысында күндіз кей жерлерде боран, көктайғақ болады, жел секундына 15-20 метрге дейін күшейеді.
Шығыс Қазақстан облысында күндіз кей аймақтарда боран болып, желдің жылдамдығы секундына 15-20 метрге жетеді. Түнде және күндіз кей жерлерге тұман түседі. Атырау облысында түнде тұман түсіп, көктайғақ болады. Батыс Қазақстан облысында тұман түседі деп күтілуде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе