“Бұған өзі жаза жоқ па?”. Бай баласы – Мақсат Үсенов тағы бүлік шығарды (видео)

Сөйтсе Үсенов ұшақта бүлік шығарып, жолаушылардың мазасын әбден алыпты. Жолсеріктен темекі шегуді сұрап, тіпті ақша (200 $) ұсынған. Кейіннен акт толтырып, ақыры темекі шеккенге ұқсайды.

“Ұшақ қызметкерлері оның әр ісін қадағалап отырды. Белбеуді тағудан бас тартып, ешкімді тыңдамады. (Ол әкесі физика заңдылықтарынан да қорғайды деп сенетін секілді)”, – деп жазады Коктышев желідегі парақшасында.

https://kaz.365info.kz/bas-prokuror-atyshuly-ma-sat-senov-isi-bojynsha-t-sinikteme-berdi-212657

Кәсіпкер ұшақ жерге қонғанда Үсеновты жергілікті полицейлерге тапсырғанын атап өтті. Бірақ ол тағы да әкімшілік жазамен құтылып кеткен секілді.

Естеріңізге сала кетейік, Алматы тұрғыны Мақсат Үсенов 2013 жылы мас күйінде көлік айдап, 6 адамды қағып кеткен болатын. Одан бір жігіт қаза тапты. Екінші рет Мақсат Үсенов тізгіндеген көлік Тойота көлігімен соқтығысып, 38 жастағы келіншектің денсаулығына зақым келтірген болатын.