Букмекерлік кеңселерге тыйым салынбақ. Олар да арнайы аймақта жұмыс істеуі тиіс

“Қалаларда букмекерлік кеңселер мен тотализаторлар қаптап кетті. Олардың көбеюі де құмар ойынға деген тәуелділікті арттыруда. Сол себепті оларды арнайы ойын аймақтарына көшіру ұсынылуда.

Тағы бір мәселе – онлайн-ставкалар.

Кімнің қанша тігіп, қанша ақша ұтып-ұтылып жатқанын нақты білмейміз.

Сол себепті ставкаларды тіркеу орталығын құру туралы жоспарымыз бар. Онлайн арқылы болсын, кассадағы қолма-қол ақша арқылы болсын – барлық төлемдер сол орталықта тіркелуі тиіс”, – дейді Уәлиев.