Paddy Power букмекерлік кеңсесі жерлесіміз Геннадий Головкин мен мексикалық Сауль Альварес арасында өтеді деп болжанып отырған жекпе-жекке бәс қабылдай бастады.
Бұл туралы Vesti.kz хабарлады.
Мекеме „Екі боксшы тең түседі„ деген болжамның соммасын 25 есеге көбейтуге әзір екендігін де мәлімдеді. Бұдан бөлек, Геннадий Головкин ұпай санымен жеңсе – 4, нокаутпен – 1.6 коэффициенті белгіленген, ал Альварестің жеңісіне сенім аз. “Канелоның” ұпаймен жеткен жеңісіне 5.50 берілсе, нокауттың коэффициенті 11-ді құрап отыр.
Алайда бұл жекпе-жек келесі жылы 31-желтоқсанға дейін өтпесе, барлық бәстер автоматты түрде жойылады.
Айта кетейік, кәсіби бокстың жанкүйерлері Геннадий Головкин мен Сауль Альварестің жекпе-жегін көптен бері күтіп жүр. Аталған кездесу биыл өтеді деген болжам болған. Алайда Альварес өз белбеуінен бас тартып, бұл жекпе-жекке тыңғылықты дайындалу қажеттігін мәлімдеді.