Мемлекеттік білім гранты иегерлерінің тізімі жарияланды, – деп хабарлайды Tengrinews.kz тілшісі ҚР Білім және ғылым министрлігіне сілтеме жасап.
Мемлекеттік грант иегерлерінің тізімімен танысу үшін МЫНА СІЛТЕМЕГЕ өтіңіз. Еліміздің жоғары оқу орындарына мемлекеттік білім грантымен түскен талапкерлердің тізімін мына сілтемелер арқылы көруге болады:
@testcenterBot – Телеграм-бот
Мұның алдында министрлік өкілдері білім беру гранттарының мамандықтар бойынша тізімін жариялаған болатын.
Ведомство мәліметінше, 2018-2019 оқу жылына жоғары білімі бар мамандарды даярлауға 53 594 грант, магистрлерді даярлауға 12 504 грант, PhD докторларын даярлауға 2 240 грант бөлінгені айтылады.
Еске сала кетейік, былтыр 2017 жылы 37 932 білім гранты берілген болатын. Оның ішінде 35 082 грант – 1 курсқа қабылдау үшін (күндізгі оқу нысаны бойынша – 34 782, сырттай оқу нысаны бойынша – 300 грант), 2850 грант – жоғары оқу орындарының дайындық бөлімдері үшін бөлінген еді.