Биылғы 1, 2, 5, 7-сыныптар білім берудің жаңа жүйесі бойынша оқиды
Биылғы 1, 2, 5, 7-сыныптар білім берудің жаңа мазмұнына көшеді. Басқа сыныптар жаңа бағдарламаға алдағы 3 жылда кезең-кезеңімен қосылатын болады.
Бұл туралы Астанадағы №80 мектеп гимназиясының алғашқы қоңырау салтанатына қатысқан еліміздің Білім және ғылым министрі Ерлан Сағадиев айтты, деп хабарлайды 24 арна.
Сонымен қатар 5 күндік оқу жүйесі енгізіліп жатыр. Соған байланысты сабақ өткізу уақыты 5 минутқа қысқартылып, 40 минут болды. Айта кетейік, аталған гимназияда биыл 1-сыныпқа 250 бүлдіршін мектеп табалдырығын аттады. Жалпы бұл білім мекемесінде 1 мың 400-ге жуық оқушы дәріс алады.
“Жазда біздің 90 пайыз мұғалімдеріміз жаңа білім мазмұнындағы оқу курстарын бітірді. Жалпы біздің мектеп гимназияда мұғалімдердің 4 пайызы біліктілігін арттырып, 1, 2, 3 деңгейдегі бағдарлама бойынша оқып келді. Биылғы жаңашылдыққа информатика, химия, биология мұғалімдері толық дайын”, – дейді қалалық №80 мектеп-гимназиясының директоры Гүлмира Жәрменова.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе