Биыл жарты жылда 126 мыңнан астам қазақстандық шетелге жұмысқа кеткен

2025 жылдың бірінші жартыжылдығында Қазақстанның 126 531 азаматы шетелге жұмыс істеуге кеткен. Бұл туралы Еңбек және халықты әлеуметтік қорғау министрлігі Көші-қон комитетінің басшысы Әсет Шонов мәлімдеді.

Айта кетейік, шенеуніктер көші-қон мәселесін министрліктің аппарат жиналысында талқылаған. 126 531 адамның ішінде 102 460 адам Ресейде, 15 790 адам Оңтүстік Кореяда, 2997 адам – БАӘ-де, 1912 адам Британияда жұмыс істеп жүр.