Білім гранттарын тағайындау жөніндегі республикалық конкурстық комиссия жұмысын бастады. Комиссияның құрамына мемлекеттік органдардың, «Атамекен» Қазақстан Республикасы Ұлттық кәсіпкерлер палатасының өкілдері және жоғары оқу орындарының ректорлары енгізілген.
Бұл туралы Baq.kz хабарлайды.
Оның ішінде 35 082 грант 1-курсқа қабылдау үшін (күндізгі оқу нысаны бойынша – 34 782, сырттай оқу нысаны бойынша – 300 грант), 2850 орын – жоғары оқу орындарының дайындық бөлімдері үшін бөлінді.
Аталған басымдықтарды ескере отырып, техникалық ғылымдар мен технологиялық мамандықтарға 13 670 грант, педагогикалық мамандықтарға 8 235 грант, ауыл шаруашылығы мен ветеринарлық мамандықтарға 2 682 грант, медициналық мамандықтарға 3 150 грант және т.б. қарастырылды.
Бұл ретте мемлекеттік білім беру тапсырысын орналастыруға жіберілген жоғары оқу орындарының тізімі кеңейтілген. Білім грантын тағайындау конкурсына 63 169 адам қатысуда, оның ішінде 49 858 адам – қазақ тіліндегі оқу бөліміне, 13 311 адам – орыс тіліндегі оқу бөліміне тапсырған.
«Мәңгілік ел жастары – индустрияға!» жобасы аясында 9 148 адам квота бойынша оқуға конкурсқа қатысуда.