Атақты Геннадий Головкин өткен айда өзінің спорттық мансабында алғаш рет судьялардың шешімі бойынша мексикалық Сауль Альварестен жеңіліп, әлем чемпионы деген WBA Super, WBC және IBO сынды титулды белбеулерінен айырылған еді.
Головкинге карьерасын осылай аяқтаған дұрыс па, әлде белбеулерді қайтару үшін әрекет қылу керек пе? Бұл сауалға ережесіз жекпе-жек шебері Қуат “Найман” жауап берді деп хабарлайды sports.kz.
“Кез-келген боксшы мансабын жеңіспен аяқтауды армандайды. Головкин де сөйткісі келеді, оны білем. Мен де оның мансабын осылай ақтағанын қаламаймын, әлі де бойында күш-қайраты бар, бір-екі қызықты кездесу болайын да деп тұр өзі.
Мысалы, Джейкобсқа қарсы реваншы. Бұл аса шешуші кездесу. Өйткені бәске екі белбеу тігілуде.
Кем дегенде екі белбеу болады деп ойлаймын: біреуі Джейкостың өз белбеуі, екіншісі Альварестің лақтырып жіберген, яғни бас тартқан титулы”, – дейді ол.