Дүйсенбі күні таңертең Бішкек маңында апатқа ұшыраған Түркияның ACT Airlines əуе компаниясының Boeing 747 жүк ұшағы бір күн бұрын – жексенбіде Астана əуе-жайында май толтырып алған.
Бұл туралы Қазақстанның инвестициялар және даму министрлігінің баспасөз қызметіне сілтеме жасап, Sputnik Қазақстан хабарлады.
“15-қаңтарда бұл ұшақ Астана əуе-жайына қонған. 16 сағат 11 минутта қонып, 16 сағат 21 минутта ұшып кеткен. Ұшақ бізден май толтырып, Гонконгқа ұшып кетті. Апат Гонконгтан Бішкекке ұшқан кезде болған”, — деді дереккөз.
Экипаж құрамында бес адам болған екен. Жалпы құрбандар саны – 37 адам.