Бір кәсіпкер ауылына мектеп салдырып беріп жатыр

9 сәуiр 2018, 19:35

Бұл шалғайдағы шағын ауылда 30 шақты үй бар. 1-4-сынып аралығындағы бастауыштың 17 оқушысы бұған дейін мектепке лайықталған шағын ғана бір бөлменің ішінде білім алып келген еді. Жаңа мектептің спорт залы, асханасы да бар. Ауласында балалар ойнайтын алаңы мен алма бағы да жайқалып өсіп тұр.

Хасан Абуев, кәсіпкер:

– Мен осында туып-өстім. Әрбір азамат туған ауылына көмектесуі тиіс деп есептеймін. Қазір бұрынғыдай емес, жағдай жақсарды. Жастар еліміздің болашағы ғой. Сондақтан балаларға жақсылық жасаудан асқан бақыт жоқ мен үшін.

Халим Керимұлы, Тастыбастау ауылының тұрғыны:

– Ауылға келген қонақтарға ескі мектепті көрсетуге ұялатынбыз. Міне, енді жаңа мектеп бой көтеріп, үлкен қуанышке кенеліп жатырмыз. Оны салып берген кәсіпкерге деген алғысымыз шексіз. «Туған жер» бағдарламасы еліміздің түкпір-түкпірінде жалғасын таба берсін!