Тұрсын Алагөзовке тағдырдың тағы бір ауыр соққысы тиді: оның туған қызы өз тегі мен әкесінің атын ауыстырып тастапты.
Ия, әйгілі Баян Есентаевамен көңіл жарастырған бизнесменнің 26 жастағы қызы Әмина Алагөзова құжат бойынша енді Алагөзова емес, тіпті Тұрсынға да қыз емес.
Ол әкесімен ендігі мүлдем араласпайтын болыпты.
Тұрсын Алагөзов үшін қиындықтар енді басталды. Баянның болашақ күйеуі қазір түксіз қалған (Баян Есентаеваны санамағанда). Балалары оны әке деп мойындамайды, ал бизнесі бұрынғы әйелі Ләйсира Алагөзованың атына жазылып кетті.
«Ия, қазір түгім жоқ. Бірақ оған онша қайғырмаймын. Қолымнан іс келеді, тағы бір көтеріліп алуға әлі де күшім жетеді. Мен жас кезімде-ақ бизнес-империя құрғам, тағы да құрамын. Ең бастысы, балаларыммен қайта достасып, олармен жақсы қарым-қатынас орнатуым керек», — деп ағынан жарылды Тұрсынның өзі.
Қазір Алагөзов елге басқа қырынан танылып, «жұлдыз» болу үшін жанталасып жүрген сыңайлы: жүргізуші, баспагер және продюсерлік өнерді меңгеруде.
Айта кетсек, Тұрсынның бұрынғы әйелі Ләйсирадан екі баласы бар — 26 жастағы қызы Әмина мен 20 жастағы ұлы Арсен.
Екі баласы да әкесінің ақшасының арқасында Ұлыбританияда білім алған.
https://kaz.365info.kz/balalarym-menen-teris-ajnaldy-tyrsyn-alagozov-eks-zhybajyna-khatysty-shyndykhty-ajtty-289665