Білім министрі мұғалімдер мен тәрбиешілерге ерекше жеңілдіктер жасауды ұсынды
Білім және ғылым министрі Ерлан Сағадаиев ұстаздар мен тәрбиешілердің баласын балабақшаға жеңілдікпен қабылдауды ұсынды.
Бұл туралы Sputnik Қазақстан хабарлайды.
Үкімет отырысында министр Ерлан Сағадаиев мұғалімдерге жеңілдіктер қарастырылмағанын айтты.
“Біз мұғалімдер мен тәрбиешілердің баласын балабақшаға қабылдаған кезде жеңілдіктер енгізуді ұсынып жатырмыз. Әскерилерге осындай жеңілдіктер қарастырылған. Балабақшалардың саны өсіп келеді, орын жеткілікті. Сондықтан біз жоғарыда аталған норманы енгізу бастамасын көтереміз”, — деді министр.
Сонымен қатар Ерлан Сағадиев мұғалімдердің әлі күнге дейін қағазбастылықтан құтыла алмай отырғанын атап өтті. Айтуынша, қазіргі таңда бүкіл қажетті ақпарат министрліктің ұлттық білім беру деректер базасында бар.
Оның пікірінше, осы деректер базасы ұстаздарды қосымша жұмыстан босатуға септігін тигізеді.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз