Билеуші партия әкімдерден арылатын кез келді — Әшімбаев

Жаңартылған AMANAT партиясына қатысты айта кету керек, ол басшылықтың ауысуынан және ребрендингтен өтті. Жаңа басқару аппараты құрылуда. Алда — конституциялық реформадан кейін — әкімдермен “қоштасу” және өңірлердегі партия ұйытқысын мәслихаттарға көшіру тұр.

Партиялық менеджментке әкімшіліктің жылы қанатының астында отыру әлдеқайда ыңғайлы, ал әкімдіктерге партияның толық бақылауындағы филиалы мен мәслихатына ие болу әлдеқайда тиімді екені түсінікті. Бірақ бұл тек дамуды ғана емес, сонымен бірге елдің бүкіл саяси жүйесінің тиімді жұмысын да тежейді.

Президент Тоқаев партиядан үкіметпен арадағы ұсақ-түйек текетірестен алшақтауды, ал екінші жағынан, партияның сайлауалды тұғырнамасының орындалуына нақты аудит жүргізуді талап етті. Партия көшбасшысы оны қоғамдық диалогтың пәрменді тетігі болуға табандылықпен шақырады.

AMANAT партиясы екі қарапайым нәрсені түсінуі керек.

• Біріншіден, өзінің электоратының, халқының мүдделерін қорғау жөніндегі жұмыс популизм емес, “құрметті саясаткерлерге лайықсыз”, саяси партияның күнделікті жұмысы.
• Екіншіден, шенеунікті, тіпті әкімді немесе министрді “ренжітуден” қорқудың қажеті жоқ. Олар сынға және сындарлы диалогқа үйренуі керек.

Партияның аппараты оның жұмыс істеуін қамтамасыз ететін тетік ретінде, мәжілістің депутаттық корпусының едәуір бөлігі (мәслихаттарда аз) және белсенділер мұндай өзгеріске дайын. Ал “балласттан” құтылу керек.