Астана
Қазір
-6
Ертең
-2
USD
361.15
-4.34
EUR
414.71
-5.64
RUB
5.53
-0.07

Бибігүл Дәулетбекқызы: «Идея ұрлау – нағыз қылмыс, Баян ханым!»

«Атың шықпаса, жер өрте» демекші, былтыр «Махаббат бекетінің» жалғасын түсіремін деген Баян Алагөзованың басы тағы да дауға қалды. Бұл жолы Баян ханымды танымал журналист Бибігүл Дәулетбекқызы сын тезіне алыпты, деп жазады Qazaquni.kz ұлттық порталы.

Былтыр ғана осы ханым тарихи махаббат жыры «Қозы Көрпеш – Баян Сұлудың» ырым-жырымын шығарған еді. Түсірсін «коровасын», онда шаруамыз шамалы…

https://kaz.365info.kz/bayan-ma-sat-yzy-mahabbat-beketi-filmini-zhal-asy-t-siriledi-232500

Бірақ жақында белгілі режиссеріміз Талғат Теменов продюсер Баян Алагөзованы «интеллектуалды ұрлық жасады» деп айыптаған еді.

Даудың басы – Теменовтың повесі. Әйгілі «Махаббат бекеті» фильмі Теменовтың «Гүлнәз» повесі желісімен түсірілгенін ескерсек, фильмнің жалғасын түсірмекші болып жүрген Алагөзова Теменовтен рұқсат сұрамай, бұл іске белсене кірісіпті.

Атышулы продюсердің айтуынша,

фильмнің авторлық құқығы «Қазақфильмге» тиесілі және ол Мәдениет министрлігінен тиісті рұқсат та алып үлгерген екен.

Осы мәселеге қатысты пікір білдірген Бибігүл Дәулетбекқызы әлеуметтік желідегі өзінің парақшасында режиссер Талғат Теменовтің «Махаббат бекеті» фильмі болмаса, Баян Алагөзованы бүгінде ешкім танымайтынын жазыпты.

– Баян – бұрынғы Есентаева, қазіргі Алагөзова әпкеміз Талғат Теменовтің кезінде халықтың өліп-өшіп жақсы көрген «Махаббат бекетінің» 2 бөлімін түсіріп жатыр екен. Тағы келіп рұқсатын алмаған көрінеді. Ол ол ма, кейіпкерлердің аты Гүлнәз бен Орал. Мәссаған, безгелдек! Талғат ағамыз шырылдап:

«Бұл менің жазған «Гүлнәз» деген повестім ғой. Ал, «Махаббат бекеті» менің авторлық фильмім. Идеясына дейін көшіріп алғаны былай тұрсын, әуенін де алған»,

деп қынжыла айтады.

https://kaz.365info.kz/kim-rykhsat-berdi-bayan-alagozovanyn-basy-tagy-dauga-khaldy-325659

Ал, оған Баянка әпкеміз беті бүлк етпей:

«Мәдениет министрінен рұқсат алдым» деп қояды,

– деп жазды журналист.

Дәулетбекқызының пікірінше,

интеллектуалды ұрлық жасау – нағыз қылмыс.

– «Гүлнәз» повестін жазған белгілі режиссер Талғат Теменов көкеміз. Ол кісіні әлем таниды. Сыйлайды. Бас иеді. Осы повесть бойынша түсірілген «Махаббат бекеті» фильмінің режиссері де Талғат Теменов.

Әлде былтыр ғана осы әйелдің тарихи сериалымыз «Қозы Көрпеш – Баян Сұлуды» ырым-жырымын шығарғанынан хабарсызсыз ба? Түсірсін «коровасын» онда шаруамыз шамалы (Ол да кәрістерден ұрланған дүние…), – дейді тележүргізуші.

– Егер Талғат Теменов болмаса, Баянды бүгін Қазақ халқы танымас еді. Баянды Баян еткен – Гүлнәз.

Ал «Гүлнәз»-ді повесть етіп жазып, фильмнің идеясына дейін ойлап шығарған – Талғат Теменов.

https://kaz.365info.kz/nen-bar-bayan-alagozova-ozin-ajyptagan-talgat-temenovkha-zhaman-zhauap-berdi-326181

Миллиондаған көрермен сол фильм үшін де Баянның небір хикаяларын кешіріп келеді.  Ал, идея ұрлаған адамды өмірде жек көремін. Қарсымын! Сондықтан да, бұл жолы Талғат ағамыз жағындамын, – дейді Дәулетбекқызы.