Елімізге белгілі әнші Айгүл Иманбаева өзінің биылғы жылдан қалмай тұрмысқа шығатынын айтып берді.
Бұл туралы Nur.kz хабарлады.
Әнші осыған дейін бірнеше рет тұрмысқа шығатынын айтқан болатын. Алайда, ол болмай қалды.
«Құдай қаласа, бәріңізді тойға шақырамын. Бірақ, мен ақ көйлек киіп той жасамаймын. Себебі, баламның өзі үйленетін жасқа жетті. Жаныңды түсінетін азаматыңның болуы керек», – деді әнші.
https://kaz.365info.kz/aralaspajmyn-ajgyl-imanbaeva-akesimen-arakhatynasy-zhajly-ajtyp-berdi-306678
Сондай-ақ әнші өз талғамындағы ер-азамат жайлы айта кетті.
«Мен тоқал болуға және өзімнен үлкен ер адамға тұрмысқа шығуға қарсымын. Сонымен қатар, біреуден тығылып өмір сүре алмаймын. Егер тұрмысқа шығатын ер адамың жаныңды түсінетін, басы бос адам болса, бір жылдан қалмаймын-ау.
Жанымдағы ер адамның жүрегінің түгі болу керек. Себебі, анау-мынауға бағынатын, ығына жығылатын жастан өтіп кеттім. Маған ішкі мәдениет жоғары, етек-жеңнің арасындағы әңгімені елемейтін азамат керек.
Былай айтқанда әркім өзімен деңгейлес адамды тапқаны дұрыс. Сондай адам жолықса, неге оның алдында иіліп жастық болмасқа», – деп сөзін түйіндеді әнші.
https://kaz.365info.kz/betashar-zhasamajdy-khyran-okhidy-khyzylordalykh-azhej-tojdagy-symdykhty-ajtty-306052
Айта кетейік, әнші егер жаны қалаған азаматы жолықса, оның жүрегіне тыныштық сыйлауға сөз берді.
https://kaz.365info.kz/tokhalmyn-akhyn-khyrmanaj-bakhtiyarkhyzy-kyjeuinin-ozinen-12-zhas-kishi-ekenin-ajtty-306191