Тұрсынбек Қабатовтың бір тойды жүргізіп беруге алатын ақысы – 5 миллион теңге. Әзілкешті тойына шақырғысы келген жігіт бұл бағаны естіп талып қала жаздаған.
Қабатовтың бұл ісін әріптестері де, той иелері де сынап тастады.
“Бұл 5 миллион деген баға, миға сыймайды. Түсінбедім?! Бұны жағдайы бар адамдар жасар. Ал қарапайым халық көргісі келеді ғой, оны. Соларға қарап кейінгі “жұлдызсымақтар да” бағасын көтеріп жібереді ғой”, – деп ашынды Әділет Қайратұлы есімді жігіт.
Сондай-ақ, тележүргізуші Тахир Сұлтан Тұрсынбектің бұл ісін асыра сілтеуге балады.
“Тұрсынбек мырзаның ісі соған лайық болса, шықсын. Бірақ, 5 миллион теңгеге асаба жалдап, той жасау ысырапшылық деп ойлаймын”, – деді тележүргізуші.
“Өзі бес миллионға той жасаса, онда Тұрсынбекті шақырмасам қайтеді. Бояушы-бояушы десе сақалын бояп, ауылда бәрінің басынан өткенді мәнерлеп айтып беретіні үшін ала ма? Барсын ақшасы бар аға-көкелерінің тойын 10 миллионға бағаласын да басқарсын”деп пікір қалдырғандар да бар екен.
https://youtu.be/7SSS-B0w74w
Дерек көз: Nur.kz.