Белгісіз біреулер мектепке баса көктеп кіріп, бес адамды жарақаттады
Бурятияда белгісіз біреулер мектепке балтамен баса-көктеп кіріп, бес адамды жарақаттаған, – деп хабарлайды РИА Новости.
Басылымның дереккөзі Улан-Удэде болған оқиғаның мән-жайын айтты. Шабуылдау кезінде қаскөйлердің бірі жарақат алып, тағы екеуі жасырынып үлгерген.
“Улан-Удэде мектепке жасалған шабуылдан бес адам зардап шекті: мұғалім, үш оқушы және шабуылдаған бір адам, екеуі қашып үлгерді”, – деді агенттік дереккөзі.
Алдын ала мәлімет бойынша, мектепке үш адам шабуылдаған, олар білім беру мекемесіне оқушы ретінде кірген. Ішке кірген олар бетперде киіп, сабақ өтіп жатқан кабинетке баса-көктеп кірген. Олар кабинеттен шығуға тырысқандарды ұрып-соққан.
“Зардап шеккендер ауруханаға жеткізілді, оларға медициналық көмек көрсетіліп жатыр”, – деген дереккөз зардап шеккендердің жетінші сыныпта оқитынын хабарлады. Осы дерек бойынша “Адам өлтіруге оқталу” бабы бойынша қылмыстық іс қозғалыпты. Ал шабуыл жасады деген жасөспірім ұсталған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз