Бейруттегі жарылыстың әсерінен ҚР дипломатиялық миссиясының ғимаратына зиян келді
Дипломаттар Ливан аумағындағы ҚР азаматтарының жағдайы туралы ақпаратты тексеруде.
Ливандағы қазақстандық дипломаттардың ақпараты бойынша, 4 тамызда жергілікті уақыт бойынша сағат 18:00-де Бейрутта теңіз портының базасында бірнеше қуатты жарылыс болды. Жақын маңдағы үйлерде, сондай-ақ жарылыс эпицентрінен бірнеше шақырым жерде орналасқан ғимараттардың әйнегі сынған.
Жергілікті биліктің алдын-ала мәліметтері бойынша, портта пиротехникасы бар кеме жарылды. Жарылыс толқынының әсерінен ҚР-ның Ливандағы дипломатиялық миссиясының үй-жайына зиян келді.
Дипмиссия қызметкерлері бұл уақытта жұмыс күні аяқталып, кеңседен кеттіп үлгерген. Жұмыста болған консул жарылыс толқынының әсерінен жеңіл жарақат алды.
«Біздің дипломаттар жергілікті билік органдарымен жедел байланыста, Ливан аумағындағы ҚР азаматтарының жағдайы туралы ақпарат тексерілуде», — деп хабарлады ҚР СІМ.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз