Ал той құтты болсын. “КешYou” тобының экс-әншісі Ақбота Сейтмағамбет тұрмысқа шықты.
Осылайша әнші белгілі актер, шоумен Дәурен Айдарқұловтың заңды жұбайы атанды. Бұған дәлел ретінде Ақбота өзінің Инстаграм парақшасына Айдарқұловтар отбасының ақ босағасынан аттаған суретін жүктеген екен. Бірақ, артынша суретті өшіріп тастаған. Алайда желідегі әншінің басқан ізін аңдып отыратын қолданушылар суретті көшіріп үлгеріпті.
Айта кетелік, Ақботаның аяғы ауыр. Ол дәл осы себепті “КешYou” тобынан кетті.
Желідегі жұрт Ақботаның бұл қылығын түсінбей дал. Себебі бұған дейін ол “ешкімнің отбасын бұзған жоқпын” деп жар салған болатын.
Демек, бұдан бұрын біздің сайтымызда жарық көрген мақала шындыққа айналды деген сөз. Осы мақалада әлеуметтік желіде өзін Дәурен Айдарқұловтың жарымын деп таныстырған әйел Ақбота Сейтмағамбетті “үш баламның әкесінен айырды” деп айыптаған болатын.
Десе де Ақбота ақырында Дәурен Айдарқұловқа тұрмысқа шықты.