Алматы тұрғындарының алдында есеп беру кезінде Бауыржан Байбек Президенттің жастарды қолдауға бағытталған 2020 Жол картасын қабылдағанын айтып өтті.
Өткен жылдың өзінде осы Жол картасындағы тапсырмаларды жүзеге асыруға бюджеттен 4 млрд теңге бөлінген, деп хабарлайды Baq.kz.
«Өткен жылы жас отбасылар 5 процент үстемақымен несие алу мүмкіндігіне ие болды.
Мұнымен қатар, олар алғашқы жарнасыз үй ала алады.
6 мыңға жуық өтінім келіп түсті. Балдық жүйе бойынша осы өтінімдердің 100-і мақұлданды. Бала саны, жұмыс өтілі ескерілді. Жоғары сұраныс болып отырғанын ескеріп, осы жылы бағдарлама аясын кеңейтуді жоспарлап отырмыз. Бұл мақсаттарға бюджеттен 2 млрд теңге бөлінеді», – дейді Байбек.
Мұнымен қатар, әкім қаладағы көптеген жатақхананың жөндеу жұмыстарынан өтіп жатқанын атап өтті.