Бөкей ордасы ауданының Ұялы, Саралжын және Масин ауылдық округтері жаңа жылды жарықсыз қарсы алды.
Бұл туралы ҚазАқпарат хабарлады.
«Бөкей ордасы ауданының үш ауылдық округінде жарықтың сөніп қалғаны рас. Арнайы бригада шығып, жоғары кернеулі электр желісіндегі ақауды жөндеп, қайта қосты. Бөрлі ауданында да бірнеше сағатқа электр жарығы сөніп қалған жерлер бар. Бүгін таңертең сағат 08.00-де Оралға қарасты Деркөл ауылының тең жартысы жарықсыз қалды. Қазір жөндеу жұмыстары жүргізілуде. Күннің жылынып, электр сымдарына мұздың қатуына байланысты әлі де осындай жағдайлар болуы ықтимал. Сондықтан бригадалар жан-жаққа шығып, жұмыс жасап жатыр», – деді «Батыс Қазақстан электр желілерін тарату компаниясы» АҚ басқарма төрағасы Қуат Мусин.