Алматының денсаулық сақтау басқармасы күннің күйіп тұрғанына байланысты жұртқа өз ақылын айтты, деп хабарлайды Tengrinews.kz.
Осы демалыста аптап ыстық 42 градусқа дейін көтеріледі деседі.
Дәрігерлер былай дейді: күн астында көп жүріп қалғандардың ағзасы қызып кетуі мүмкін. Ол әсіресе, қарт адамдар мен балалар, гипертониялық, жүрегінің ишемиялық ауруы бар, артық салмағы бар адамдар мен арақ ішетін адамдар үшін қауіпті”, – делінеді хабарламада.
“Сағат 11:00 ден 16:00-ге дейін далада жүргенде бас киіммен жүрген жөн. Үйде терезелерді ашып, болмаса, желдеткіш, салқындатқыш сияқты құралдарды қосу керек; күн ыстықта тамақты көп жей беруге болмайды, арақ-шарапты да ішпей, шыдай тұру керек”, – делінеді дәрігерлердің кеңесінде.