Бас мүфти намаз оқитын қыздың мектепке орамалмен бару керектігін қайталады

Бас мүфти Наурызбай қажы Тағанұлы мектепке орамал тағып баратын оқушылардың құқығын қорғауға шақырды.

«Шариғат Аллаға сенген және балиғат жасқа толған кез келген қыз балаға орамал киюді міндеттеген. Сондықтан ондай бала орамал киюге тиіс. Біз оны бұрын да айттық, қазір де айтамыз. Намаз оқитын қыз баланың да құқығы бар ғой. Ол орамалмен жүргісі келеді. Оған неге тыйым салу керек? Ол намаз оқиды, Аллаға сенеді. Сондықтан біз ол қыздарды да сыйлауымыз қажет», – деді Наурызбай қажы Тағанұлы.