Астанадағы қалалық №2 аурухананың бас дәрігері Біржан Дасмайылов батуттың аударылуы салдарынан ауыр жарақат алған балалардың жағдайы туралы айтып берді.
Бұл туралы Baq.kz хабарлады.
«Қазіргі сәтте бес бірдей бала ауруханада жатыр. Олардың біреуі жансақтау бөлімінде, қалған төрт бала профильді бөлімде. Осы күнге дейін жансақтау бөлімінде үш бала жатқан болатын. Бүгінгі тексеруден кейін жағдайы жақсарған екі бала профильді бөлімге ауыстырылды. Яғни екі бала травматология, ал екі бала нейрохирургия бөлімінде, біреуі жансақтау бөлімінде қалады», – деді дәрігер.
Емді әрі қарай жалғастыру мақсатында консилиум ұйымдастырылып, таяу шетелдегі мамандардан кеңес алды.
Әсет Исекешев жәбірленушілердің ата-аналарымен кездескен кезде ІІД мен ТЖД жағдайды бақылауда ұстап тұрғандарын айтқан. Сондай-ақ, ол айыптылардың тиісті жазасын алатындарын мәлімдеген. Астана полицейлері ҚР ҚК 306-бап 2-бөлімі бойынша сотқа дейінгі тергеу жұмыстарын жүргізіп жатыр.