Тамыз айының алғашқы жартысында Ақтөбе облысының аумағында өткізілген «Пәтер жалдаушы» жедел-профилактикалық шарасы барысында 492 әкімшілік құқық бұзушылық тіркелді, деп хабарлайды облыстық ішкі істер департаментінің баспасөз қызметі.
Шара барысында атқарылған әрекеттердің тиімділігін арттыру, пәтер жалдаушыларды анықтау және пәтер иелерінің жауапкершілігін арттыру мақсатында сондай-ақ, қылмыс жасағаны үшін іздеудегі және жоғалған азаматтарды анықтауға, елге келушілер мен тұрғындардың көші-қон заңдарын сақтауына және тұрмыс жағдайларында болатын заңбұзушылықтардың алдын алуға, оларды анықтауға бағытталған жұмыс атқарылды.
– Сонымен, 9 – 14-тамыз аралығында өткен жедел-профилатикалық шара барысында 522 жалға берілетін пәтер анықталды, пәтерін жалға беретін азаматтарға қатыста мәліметтер салық комитетіне жолданды.
Айта кетсек, жедел-профилактикалық шараның өткізілуі барысында 492 әкімшілік құқық бұзушылық тіркелген, олардың 287-сі көші-қон заңнамаларының бұзылуы, 136 ұсақ бұзақылық, сонымен қатар кешкі уақытта тыныштықты бұзудың 66 фактісі анықталды. Барлық әкімшілік заңбұзушылықтарға қатысты шаралар қолданылды, – делінген баспасөз қызметі таратқан ақпаратта.
Қазіргі таңда облыстық Жергілікті полиция қызметі қоғам тыныштығы мен жол қауіпсіздігін қамтамасыз етуге бағытталған бірлескен жұмыстарды одан әрі жалғастыруда.