Нұр-Сұлтан
Қазір
2
Ертең
-1
USD
449
-1.43
EUR
484
-3.48
RUB
4.86
0.00

“Бар ойы ақшада”. Танымал ақын Жүрсін Ерманды жерден алып, жерге салды (фото)

122

Өнер адамы аңғал болады. Айыптамай тұрып тексеріп алуы керек қой. Мүмкін, Тұңғышбайдың атын жамылып, басқа адамдар жеген шығар?..

Қазақ хандарының рөлін сомдаған Тұңғышбайды халқы ешқашан ұмытпайды”

дейді Әселхан Қалыбекова.

Осы ойын әлеуметтік желіге жазыпты.

“Тұңғышбайға қатысты жазбаны немереме тергізіп, өзім салғыздым” дейді.

Жүрсіннің ойы неде? 

Келесі кезекте Әселхан апамыз Жүрсін Ерманды да бір сілкіп алыпты. 

“Титтейімізден бірге өскен Жүрсін қымбат адамымыз еді,

соңғы уақытта бар ойы ақшаға ауып кетті. Айтысты саудаға салып жіберді… 

2012 жылы ретро-айтыс өтіп, Есенқұлмен айтысатын болдым. Айтыс өтерден бірер күн бұрын Жүрсін телефон шалып:

«Әй, Әселхан, сендер бұрынғыдай айтысып жүрмеңдер! Есенқұл екеуің келісіп алыңдар. Келісіп алсаңдар, айтыстарың шымыр шығады» дейді.

«Әй, Жүрсін! Келісіп алып шыққан айтыс бола ма?! Не айтып тұрсың! Есенқұл екеуміздің айтысымыз қашан жаман шығып еді?!» дедім.

«Дұрыс шықсын дегенім ғой» деп міңгірледі де, телефон тұтқасын қоя салды”, – депті ақын сұхбатында.

Айтуынша, Жүрсіндер «айтысты шоу жасаймыз» деді де, төл өнерімізге сатқындық жасаған.

“Мұның бәрін ескеріп, шамамыздың келгенінше шәкірт тәрбиелеуді қолға алдым. «Ел іші – өнер кеніші» деген бар, Бекарыс Шойбековтей шәкірт тәрбиелей алмасақ та, ел аузында жүретін ақын шығара алсақ, еңбегіміздің жанғаны. 

Шәкірттерді бірнеше дүркін тәрбиеледік. Бекжан Базарбай деген бір шәкіртім бар. Тоғызыншы сыныпта оқиды. «Кенже балам» осы деп жүргем. Биыл Отырар ауданына Ерлан Айтаханов әкім болып, өнер мектебін қайтадан ашып берді.

Мойынға тағы ауыр жүк артылды. Енді жас ақындарды тәриелеуді қайтадан қолға аламыз.

Оқушылардың жазғы демалысына да көп қалған жоқ. Оған дейін ел аралап, екі-үш бала тауып алсам ба деп отырмын”, – дейді Әселхан Қалыбекова.

 

“Кімдер есімде қалды?”

“Баяғы Айбегіміз жақсы, халықтың мұңын сол айтып жүр.

Ринат шеттеңкіреп қалды.

Балғынбек, Айнұрлар айтысты қойды. Қазіргі жастардан Айтақынның баласы Жандарбек бар, Сырым деген бала әжептәуір көрініп келеді. Болатбек, Мейірбек, Мұхтар, Аспанбектерді қазіргі айтыстың болашағы деп білемін…”.

Діншілдік туралы

Сұхбаттың соңында журналист

 «кейбір ақындардың сахнадан кетуіне әсіредіншілдігі себеп болды» деген пікір бар. Бұған не дейсіз?” сауал қойыпты. 

– Бұл – ақиқат. Бекболат Тілеухан мен Мұхамеджан Тазабек біраз ақынның обалына қалды.

Ақынның қай-қайсысын алсаңыз да, бәрі кедей. Не үйге, не киімге жарымайды. Соларға қамқор болғансып, Меккеге апарады. Бекболат пен Мұхамеджанмен бірге умра қажылыққа барған ақындардың бәрі діншіл болып шыға келеді, әйтеуір. Шәкәрімнің сөзімен айтқанда,

бұлар діншіл емес, пәншіл

– деген екен бұл ретте ақын апамыз Әселхан.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз