Иранның бұрынғы президенті Махмұд Ахмадинежад мемлекет басшысын сайлауға үміткер бола алмады. Бұл туралы ирандық ақпарат құралдары хабарлады.
2005-2013 жылдары президент болған Ахмадинежад 19 мамырда өтетін президенттік сайлауға үміткер ретінде тіркелді. Дегенмен ол Иранның Сайлаулар өткізу жөніндегі штабы жариялаған үміткерлер тізіміне енбей қалды.
Бұған дейін аятолла Әли Хаменей бұрынғы президент Ахмадинежадтың сайлауға қатысуына қарсы шыққан еді.
Иранда 12-ші президенттік сайлау 19 мамырда өтеді.