Баландин Испания ашық біріншілігінің абсолютті чемпионы атанды
Малагада Испания ашық чемпионатының соңғы күні суда жүзуден Қазақстан құрамасы тағы үш марапатқа ие болды Ұлттық олимпиадалық комитеттің сайтына сілтеме жасаған ҚазАқпарат.
2016 жылғы Олимпиада ойындарының чемпионы Дмитрий Баландин үшінші алтын медалін қанжығасына байлады. Бұл жолы – брасспен 100 метр қашықтықта жарысқа шықты. Бұдан бұрын, ол 200 және 50 метрге жүзуден үздік нәтиже көрсетті.
Жарыстың соңғы күнінде Қазақстан рекордшысы Әділбек Мусин 100 метрге баттерфляймен жүзуден қола медаль жеңіп алды.
Сондай-ақ, Әділ Қасқабай тағы бір «қола» сыйлады. Ол 50 метрге еркін стильмен спринтте көзге түсті.
Қазақстандық жүзушілер Малагадағы турнирде сегіз медаль иеленді – үш алтын, үш күміс және екі қола.
Испанияда үздік нәтижені Олимпиада чемпионы Мирела Бельмонте көрсетті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе