Қонаев қаласындағы жеке меншік балабақша қызметкерлері екі айдан бері жалақы алмай келеді. Балабақша күтпеген жерден жабылып, тәрбиешілер мен ата-аналар қиын жағдайға тап болды. Қазір балабақша ұжымы барлық тиісті мекемелерден көмек сұрап отыр, ал ата-аналар балаларын қайда апаратындарын білмей жүр.
Жеке балабақшада жұмыс істейтін 10 қызметкер екі айдан бері табыссыз қалды. Жұмыс беруші уақытылы жалақы төлемеген, ал кейін балабақшаны еш ескертусіз жауып тастаған. Сонымен қатар, жалақы мен әлеуметтік төлемдер төленбей жатыр.
«Прокурорлық тексеріс нәтижесінде бұл мекеме қажетті талаптарға сәйкес келмейтіні анықталды. Сондықтан маусым айынан бастап қаржыландыру тоқтатылды. Балабақша жабылды», – дейді Қаламқас Сәрсенбаева.